Só het ek 'n held geword.
(Opstel deur Mika de Waal, graad 9.)
Dit was vroeg een oggend by die skool toe
die seuns, dié wat gewild was, 'n plan uitgewerk het om by die skoolhoof se
kantoor in te breek. Hulle het beplan om hul name onder sy tafel uit te kerf.
Dit was natuurlik die een ding wat niemand nog voorheen gedoen het nie. Tot
dusver was almal nog te bang. Die
kantoor is vol kameras en laserstrale wat aangeskakel word wanneer daar niemand
is nie. Dit word gedoen omdat al ons toetse en portefeuljes daar toegesluit
word.
Daardie aand word ek wakker van 'n ongewone
geluid. Ek het geskrik en het opgestaan.
Ek het by die kamervenster uitgeloer. Ek kon nie glo wat ek sien nie! Die seuns
was daar. Hulle het sowaar probeer om in te breek. Ek het geweet as ek sou
uithardloop, sou ek ook in die moeilikheid beland. Ek was egter te nuuskierig en dus het ek
uitgegaan om behoorlik te sien wat aangaan. Op daardie oomblik gaan die alarm
van die kantoor af. Die seuns het vinnig uitgehardloop na hulle kamers toe en
het ontslae geraak van al die bewyse. Ek het maar bed toe gegaan …
Die volgende oggend word ek wakker van die
skoolklok se gelui. Ek het besef dat ek laat is vir skool en het vinnig my
skoolklere aangetrek. Die skoolhoof was reeds in die saal. Hy het baie kwaad
gelyk en gevra wie die vorige nag by sy kantoor ingebreek het.
Natuurlik wou ek die skool se held wees en
het toe na die tyd na Meneer toe gegaan. Ek het aan hom vertel wat gebeur het.
Hy was baie kwaad omdat ek nie dadelik vir hom vertel het nie, maar hy was bly
dat ek uiteindelik tog daarmee uitgekom het. Hy het voor die hele skool vir my
'n sertifikaat vir dapperheid gegee.
Die kwaaddoeners is almal geskors.
Ouma
(Opstel deur Mihlali Gxuluwe, graad 8.)
Ouma is baie oud, maar sy kan steeds alles
doen. My ouma is 88 jaar oud.
Haar kinders is my ma en my ma se suster.
Hulle sorg goed vir haar en hulle maak seker dat sy gesond bly. Elkedrie maande
neem hulle haar na die dokter.
My ouma het grys hare en een been wat seer
is, maar sy sal steeds koekies bak vir my of iets anders om my mee vet te voer.
Ek weet dat my ouma baie, baie lief is vir my.
Sy stap sos 'n koningin in die straat. 'n
Mens kan sien dis sy al is sy nog ver. Sy glimlag vir almal in die straat. Jy
sal ook agterkom dat al die mense haar ken.
Sy hou daarvan om te praat. Sy is baie mooi
en al is sy baie oud, sal sy vir jou kos kook. Jy sal sommer weet dat die kos
wat jy ruik, deur my ouma gekook is.